U SPAVENTAPASSERI
In t in giurnu de primaveira
de in po’ de tempu fa
in mezzu a ingrande prà
in bel spaventapasseri
l’era sta piantà.
Con u compitu de spaventà
chi i semi a sbafu u anava a mangià.
Giurnu e notte sensa gnisson
i ghe favena vegne a depression.
e u contadén in po’ distrattu
gnanca in numme u gh’ava dattu.
Con in leverattu l’ava pruvà a parlà
ma lu u pensava sultantu a saltà.
Se piuviva a pianze u se mettiva
cusei gnisson se ne incurziva.
In giurnu u contadén l’era turnà
per mette ina spaventapasseri
dall’atra parte da strà
e lu de culpu u s’era innamurà.
L’era elegante con in bel cappelén
e denansi in russu scussarén.
U s’è incortu, che l’era ricambià
ma cusei lontan, cumme i pudivena fa?
A gh’à avì compassion ina bella farfalla
e vurandu da spalla a spalla
l’ambasciatrice d’ amure a s’era missa a fa.
Anca i spaventapasseri i gh’an dirittu alla felicità
